📢 လက်တွေ့အသုံးချအလုပ်သမားဥပဒေ ဆွေးနွေးခြင်း အစီအစဉ် ကျင်းပပြီးစီး

၂၀၂၆ ခုနှစ်၊ ဇူလိုင်လ (၂၈) ရက်နေ့တွင် လှိုင်သာယာစက်မှုဇုန် (၁,၂,၃,၄,၆,၇)၌ Labour Law Awareness, VLCA & MGMAemp အစီအစဉ်ကို အောင်မြင်စွာ ကျင်းပပြုလုပ်ခဲ့ပါသည်။

အစီအစဉ်ကို မြန်မာနိုင်ငံအထည်ချုပ်လုပ်ငန်းရှင်များအသင်း၏ ဒုဥက္ကဋ္ဌ ဦးကျော်ဝင်းမှ အဖွင့်အမှာစကား ပြောကြား၍ ဖွင့်လှစ်ပေးခဲ့ပြီး အလုပ်ရှင်၊ အလုပ်သမား နှစ်ဖက်စလုံးအတွက် အလုပ်သမားဥပဒေများကို နားလည်သဘောပေါက်ကာ လိုက်နာဆောင်ရွက်ခြင်း၏ အရေးပါမှုကို အလေးထား ပြောကြားခဲ့ပါသည်။

ဆက်လက်၍ **မြန်မာနိုင်ငံအထည်ချုပ်လုပ်ငန်းရှင်များအသင်း၏ ဗဟိုအလုပ်မှုဆောင် ဦးထွန်းထွန်း ** မှ Labour Law Awareness ခေါင်းစဉ်ဖြင့် အလုပ်မှနုတ်ထွက်ခြင်း၊ အလုပ်မှရပ်စဲခြင်းနှင့် အလုပ်မှထုတ်ပယ်ခြင်းဆိုင်ရာ ဥပဒေပါ လုပ်ငန်းစဉ်များ၊ လိုက်နာရမည့် အချက်အလက်များကို အသေးစိတ် ရှင်းလင်းတင်ပြခဲ့ပါသည်။

ထို့နောက် မြန်မာနိုင်ငံအထည်ချုပ်လုပ်ငန်းရှင်များအသင်း၏ Senior Labour Officer ဦးမင်းစိုးဟန် မှ အလုပ်သမားဥပဒေနှင့် သက်ဆိုင်သော သိကောင်းစရာများ၊ လက်တွေ့လုပ်ငန်းခွင်တွင် သိရှိလိုက်နာသင့်သည့် အချက်များအပြင် VLCA & MGMAemp ၏ ဆောင်ရွက်လျက်ရှိသော အစီအစဉ်များကို မိတ်ဆက်တင်ပြဆွေးနွေးခဲ့ပြီး တက်ရောက်လာသူများ၏ မေးခွန်းများကိုလည်း အပြန်အလှန် ဆွေးနွေးဖြေကြားခဲ့ပါသည်။

ယခုကဲ့သို့ လက်တွေ့အသုံးချအလုပ်သမားဥပဒေဆွေးနွေးပွဲ အစီအစဉ်များသည် အလုပ်သမားဥပဒေဆိုင်ရာ အသိပညာများ တိုးပွားလာစေရန်၊ အလုပ်ရှင်နှင့် အလုပ်သမားကြား နားလည်မှုနှင့် ပူးပေါင်းဆောင်ရွက်မှု ပိုမိုကောင်းမွန်လာစေရန် အထောက်အကူပြုသည့် အစီအစဉ်ကောင်းတစ်ရပ် ဖြစ်ပါသည်။

Loading Comments...